Mae ColegauCymru wedi lansio Strategaeth Rhyngwladoli newydd ar gyfer y sector addysg bellach yng Nghymru.
Bydd y Strategaeth yn cefnogi cyfoethogi a gwella profiadau addysgu a dysgu, cynyddu dyheadau dysgwyr ac ehangu eu gorwelion wrth godi proffil y gwaith rhyngwladol a wneir mewn addysg bellach. Bydd hefyd yn ceisio llywio arfer proffesiynol a chryfhau’r ddarpariaeth drwy gynyddu’r cyfleoedd sydd ar gael yn rhyngwladol i rannu arfer gorau, cydweithio â phartneriaid a datblygu gwaith masnachol.
